Daníel Sempere er alinn upp hjá föður sínum, fornbókasala í Barcelona, og fær ungur að kynnast völundarhúsi sem fáir þekkja og geymir gleymdar bækur. Þar er hann látinn velja sér bók til varðveislu og fyrir valinu verður Skuggi vindsins, skáldsaga eftir óþekktan höfund. Hann heillast af bókinni og ástríðan teymir hann af stað í leit að höfundinum og sögu hans. Sú leit verður ævintýralegri og hættulegri en Daníel hefði getað órað fyrir og hann kynnist ástum og örlögum fólks sem löngu er horfið á braut um leið og örlög hans sjálfs ráðast.

Skuggi vindins er bók um bók, saga um horfna tíma og gleymdar persónur sem ganga aftur og taka völdin í lífi þess sem les. En um leið er hún spennusaga um fólk á flótta, um ofsóknir, vináttu og svik, um ótta og vissu, „um ást, hatur og þá drauma sem búa í skugga vindsins“ – eins og Daníel segir við stúlkuna sem hann elskar þegar hann fer með hana í Kirkjugarð gleymdu bókanna til að sýna henni fjársjóðinn dularfulla sem þar er geymdur.