Hannes Pétursson er þegar landskunnur af ljóðum sínum, en hér hefur hann ritað útarlega ævisögu Steingríms skálds Thorsteinssonar, þar sem fjallað er um æskuslóðir Steingríms, uppvöxt hans og ætt, skólagöngu, æskuverk, dvöl hans í Kaupmannahöfn og ljóðagerð á þeim arum, ævi Steingríms eftir heimkomuna til Reykjavíkur og bókmenntastörf hans þá og viðhorf hans til stjórnmála og skáldskapar, þar á meðal raunsæisstefnunnar og annarra bókmenntalegra deilumála þeirra tíma. Í bókinni er vitnað til fjölmargra óprentaðra bréfa, og segir þar margt frá skoðunum Steingríms á mönnum og málefnum. Bók Hannesar er fyrsta könnun á ævistarfi þessa merka skálds, sem naut á sínum tíma frábærra vinsælda alþýðu manna og vandlátra bókaunnenda. Mun hún vafalaust vekja ærna athugli og þykja góðum tíðindum sæta.